He maha ngā huarahi e taea ai te tautuhi i te māramatanga.
He photon, he āhua ngaru, he matūriki, he auau hikohiko. Ka mahi te mārama hei matūriki ā-tinana, hei ngaru hoki.
Ko tā tātou e whakaaro nei he mārama he wāhanga iti noa iho o te whānuitanga hikohiko e mōhiotia ana ko te mārama kitea o te tangata, ā, e aro ana ngā pūtau o ngā kanohi tangata ki tēnei mea. He rite tonu te aro o ngā kanohi o te nuinga o ngā kararehe ki tētahi whānuitanga rite.
Ka taea e ngā pepeke, ngā manu, tae atu ki ngā ngeru me ngā kurī te kite i tētahi taumata o te mārama UV, ko ētahi atu kararehe ia ka kite i te hihi infrared; ngā ika, ngā nakahi, tae atu ki ngā waeroa!
Ko te roro o te kararehe whakangote te kaiwhakamāori/te wetewete i te mārama hei 'tae'. Ko te roangaru, te auau rānei o te mārama te mea e whakatau ana i te tae e kitea ana e tātou. He whero te āhua o te roangaru roa, ko te poto ia he kikorangi te āhua.
Nō reira, ehara te tae i te mea taketake o te ao whānui, engari he mea hanga nā ō tātou hinengaro. He wāhanga iti noa iho o te whānuitanga hikohiko katoa. He photon noa iho i tētahi auau.
Ko te āhua taketake o te mārama he rerenga o ngā photon, e piupiu ana i tētahi roangaru motuhake.